| Power down... Log off... Unplug...
Undo... Hit cancel... Instant message...
Friend request... Voicemail... Send & receive... Chatroom...
睇到以上既terms，會聯想到Ｄ咩呢？電腦？ Internet？ Online chat？
以上其實係一款美國香口膠品牌既廣告字眼。廣告以「Make Face Time (tm)」為主題，廣告內容係一套六張照片，每一張都俾人一種好親蜜既感覺，鼓勵人同人之間應該多Ｄ出黎見下面。
我覺得個廣告幫大家重新思考返人同人既關係。一大堆似乎係網絡世界常用既冰冷字眼，原來可以 o係 現實生活中用一個咁人性既方法去表達出黎。
聽講而家既人越黎越唔識得開口講野。自從有左email、ICQ、MSN，大家要同人溝通都唔洗開口，同隔黎位個人send 個 「:)」就有個笑口，連去order 個快餐都係嗌個號碼就攪掂。以前ICQ 有個氣球，而家Facebook 有個提示，如果我地無左哩兩樣野，我地會錯過左幾多個朋字仔既生日呢？當我地一見到個氣球，一睇到個提示，就send 一個message，post 一個wall，咩都唔洗講，又同個好耐都無傾過計既朋友friend 返喇！正所謂：「friend 哩家野...... 唔洗開口，心照啦！」
近來 BlackBerry 越黎越普及，Ｄ人拎部電話出街，用黎㩒仲多過用黎講。美國年青新一代更加愛上「SideKick」哩一門玩意，人手一機，去到邊text 到邊。恕我無知，我都係岩岩先知道原來SideKick 係有電話功能，只係我從來都未見過有人擺個SideKick 埋去耳邊度講........
我地又唔係口臭，到底我地有幾耐......
無開口搵過好耐無搵既知己？
無好好聽真Ｄ身邊既人把聲？
無緊緊同自己想念既人擁抱？
無深深同自己所愛既人親親？
不過，如果你真係口臭...... 唔緊要！畢竟所有既反思都係源自一個廣告------- 去買排香口膠啦！
|
| |
| 輸輸聲唔好，所以Ｄ人叫「讀書」做「讀贏」。
順帶一提，原來Ｄ人唔鍾意「通輸」，所以叫本書做「通贏」，再演化做「通勝」。(http://paper.wenweipo.com/2007/12/02/CF0712020005.htm)
畢左業一年，如我所願返返去讀書，又如我所願讀到想到果科，仲得償所願入到間好學校，都真係好安慰囉~~~~~
好學校........ 咁NYU 有幾好呢？第一緊係學費好啦~~~ 好係好在.......... 好貴！今年新入學既undergrad，一年既學費、住宿連生活費總共超過五萬蚊。一般人讀四年大學，合共超過二十萬... 美金~~~~
好在我讀Grad School，只係讀兩年，讀Social Work 學費又平少少，仲有少少Scholship，多多 Loan，一年只係俾幾千蚊~~~~ 有借有還上等人，畢左業先慢慢還.... 慢慢做上等人.......
NYU 第二好，係多名人。大家比較熟悉既，就有李安同馬英九。網上有個比較詳細，但唔係幾完整既List，可見Social Work 係無名人ga..... Wikipedia 係人都修改得，或者我可以試下加我自己個名上去~~ haha
(http://hk.myblog.yahoo.com/FforFrancis-blog/article?mid=30)
|
| |
| 屋企附近搞Street Fair，一連個幾禮拜既夜晚封左８條街，擺滿哂攤檔玩遊戲、賣野食、賣垃雜野、同埋小型機動遊戲。
好幾晚食完飯無野做都去行下，直到尋晚終於忍唔住落手玩，結果贏左兩條小金魚。
結果今日成個下午出左去同佢地搵個安落窩。為左方便稱呼同照顧，幫佢地兩個改左個名。
橙色果條係第一條贏返黎，叫做 「哩條」。
深色果條係之後再贏返黎，叫做 「果條」。
咁以後就好稱呼喇....
例如「wa.... 哩條做咩自閉呀」....
「果條係咁追住哩條喎」......
「哩條係咁食野，果條都唔食既」......
希望哩條魚同果條魚可以身體健康，幫我調劑一下來年既學業壓力呀~~~
http://hk.myblog.yahoo.com/franc_ky/article?new=1&mid=27
|
| |
